الجمعة، 9 يوليو 2021

بعض النصائح المهمة للابراج

نصائح ل برج الحمل

الحمل
انت طيب ومحبوب كتير من الآخرين عندك كاريزما خاصة وروح مميزة بس انتبه من الاشيا يلي بتاذيك  عصبيتك وانانيتك يلي مابتنتبه الها احيانا  دايما حط حالك مكان الشخص يلي عم تتعامل معو وخاصة بالمجال العاطفي سيطر على انفعالاتك وتذكر مكانة الاشخاص عندك قبل ما تنفجر بوجهن خليك بقلبك الطيب ومحبة الناس الك وهيك بدنا تكون 









نصائح ل برج الثور
الثور
انت حدا طيب كتير هادي ورايق بتبحث دايما عن المتعة وبتحب تتعامل مع الناس بطريقة تصل فيها لقلوب الكل مشان هيك بدي منك تكون متفهم ومستوعب لراي يلي معك وما تنتقد تصرفاتن بقسوة خليك مساير نوعا ما لان مو دايما انت الصح كون مرن بالتعامل واترك الناس تساعدك لتكون حياتك مشتركة معن 











نصائح ل برج الجوزاء

الجوزاء
قدرتك الكبيرة عالتاقلم وعلاقاتك القوية وحسن تصرفك باغلب المواقف شي كتير منيح بس لاتحاول تقلل من اهمية الآخرين ودايما خلي مصلحة الجميع فوق الكل يمكن شعور القلق عندك بسبب تفكيرك الكبير وهاد الشي طبيعي لكن حاول تساعد الناس وتوصل فكرة صح عن الجوزاء يلي بيمتلك افكار رائعة باي عمل او مشروع 











نصائح ل برج السرطان

السرطان
يلي بيتعامل معك بحس بحجم العاطفة يلي بتمتلكها والحنان يلي بعيونك وعندك كتير صفات ايجابية بتصل فيها لقلوب الناس بس ابتعد عن الوسواس والخوف من القادم لاتكون سلبي وحاول تكون متفائل لان الحساسية عندك مرتفعة كتير وهالشي بخليك بحالة مو منيحة من اقل المواقف لازم تبقى قوي ويكون عندك نظرة ايجابية لكل شي حتى تحصل على الدعم المعنوي اللازم لتكون حياتك افضل 










نصائح ل برج الاسد

الاسد
القوة يلي بشخصيتك بتعطي انطباع بعظمة هاد الشخص يلي عم نتعامل معو كتير من الحنية والكرم يلي بيظهروا اثناء التعامل معك بس انتبه جدا من غرورك وتملكك يلي ما ممكن تعترف فين بس الناس بتشوفن مشان هيك حاول تتفهم نظرة غيرك الك وتضل بعيد عن هدول الصفتين قدر الامكان لتبقى مثال لغيرك 











نصائح ل برج العذراء

العذراء
انت الباحث عن الكمال بشخصيتك بتصرفاتك بشكلك بنجاحك حتى هي من اهم الاشياء يلي بتعزز مكانتك عند الكل بس اذا انت بدك تصل للكمال في ناس كتير ما بتفكر متلك او ما بتشوف التفاصيل الصغيرة بحياتها فانتبه نظرتك الدقيقة ممكن تاذي غيرك في حال استخدمت لسانك وحكيت وحشرت انفك بكل شغلة نحنا منحتاج شخص متلك بمواصفاتك بس اكيد مافينا نتحملو بكل وقت لهيك بتمنى تكون حذر ومنتبه اثناء تعاملك حتى ماتخسر اشخاص من حولك 










نصائح ل برج الميزان

الميزان
شخص متوازن مثالي عندك قدرة كبيرة على كسب ود الجميع بطريقتك ودبلماسيتك محبتك للسلام ورغبتك بالعيش المشترك اشيا بتعطيك كتير من الاهمية بمجتمعك لكن احيانا بتكون سلبي متردد لما بدك تقوت بقصة معينة او مشروع وهالشي بياخد كتير من وقتك وبيترك انطباع سيء عند المتعاملين معك انا بنصحك دايما تاخد براي اصحاب الخبرة واكيد رح تلاقي حلول 










نصائح ل برج العقرب

العقرب
انت حدا خاص عندك كتير من الطيبة والحب بس مو مع الكل عندك حذر من الناس ويمكن هاد الصح بتعاملك بتمتلك شخصية مثيرة بتجعل الآخرين يحاولوا يكتشفوا سرك بس بنفس الوقت احيانا كتير بتكون بعيد عنن وممكن تنفهم بشكل غلط حتى بتعبيرك عن الحب بتكون غامض وهالشي ممكن يسبب سوء فهم عند الشريك بتمنى منك تعطي فرصة للناس وتقوي ثقتك فين حتى تكون قريب منن 











نصائح ل برج القوس

القوس
بتحمل بداخلك الكتير من الطيبة والعفوية والصراحة يلي بميزوك وبيعطوك قوة بشخصيتك وقدرة على امتلاك زمام الامور لكن انت ما بتنتبه لحالك وبتتصرف بطفولية احيانا فبتعيش الحياة كانها لعبة وهالشي ممكن يسبب قلق عند الناس يلي بتتعامل معك يعني انت بتحاول تحصل على يلي بدك ياه باي طريقة وبتكون كتير عنيد بتمنى تنتبه لهالشي حتى تضل محبة الناس كبيرة الك متل ما بتحس 











نصائح ل برج الجدي

الجدي
يلي متلك وبقوتك صعب كتير ينكسر انت حدا مصمم ناجح مثابر ليصل للهدف بالرغم انو اهدافك بتتاخر لتتحقق لكن متابعتك الها واصرارك على النجاح من اهم خصالك لكن انت احيانا بتكبر الامور وبتعيش دور اكبر من عمرك فهالشي بيتعبك وبخليك تحس بصعوبة الحياة بتمنى منك تترك روح الشباب عندك تجن شوي واسمع لنفسك بالحياة 










نصائح ل برج الدلو

الدلو
قدرتك على التكيف والتعامل مع معظم الناس ونظرتك الجيدة للامور بالاضافة لحبك للخير وتغيير المستمر من اهم صفاتك بس انتبه من الخروج عن قانون الحياة بشكل غلط  يعني دايما انت بتحب تكون غير ومميز وملفت بس احيانا بتكون فكرتك غلط فبتصل لاماكن بتاذيك مشان هيك اسمع راي غيرك وخليك مميز ضمن المعقول 










نصائح ل برج الحوت

الحوت
انت مميز عند الآخرين ولديك روح جميلة تملك الكثير من الحب بداخلك وتحاول دائما اسعاد من حولك لكن قد لا تحصل على المقابل ومن اكبر عيوبك هو انك تشعر الآخرين بالحاجة لك وقد تعطي الحب دون ان تفكر بما سياتي بعده وقد تدخل في حالات من الحزن والاكتئاب وهذا ما يؤثر عليك لذلك يجب ان تكون مشاعرك موجهة الى الشخص المناسب وفي الوقت المناسب فقط 
مشاركة عن طريق
واتساب

0 komentar: