الخميس، 29 يوليو 2021

كيف اقوم بجعل قطي يذهب الى المرحاض بنفسه

للي عميشتكي انو قطو ماعميعملا بالتراب 

 
التراب كل يوم لازم يتنضف كرمال صحة القطط وكرمال بيقرفو وبيبعدو ازا كان وسخ 
التراب الجديد ازا بدنا نحطو فوق القديم ولو بكمية كبيرة لازم يتنضف قبلا التراب القديم ينشال النونو 

 
وقت القط عميرش برا معناها بدو يتزوج 
احتمال بحالات الاسهال مايلحقو 

 
وقت يعمل برا التراب مندور عالسبب ومنلاقي الحل بعيد عن الضرب لانو بيزيد المشكله مابيحلا غير انو هاد تصرف إجرامي وقلة وعي 
القطط بالغريزة بتعمل بالتراب وبتطمر ومن عمر صغير بيقدرو القطط الصغيرة وحتى لو مافي أن اول مره بالتراب ازا ماكان في ريحه تدل انو هون لازم يعملو غالبا مارح يعرفو 

 
يعني ازا عمل برا التراب اول مره منشيل من النونو تبعو شوي ومنحط بالتراب 
وازا القط جديد بس تلاحظو القط صار يحرك كتير ويحاول يحفر بالسجاد او الارض معناها عميدور عشي مكان ليعمل وهون منحطو بالليتر بوكس وازا مافهم منحرك ايديه ومافي اسهل منا وبيوم واحد بيمشي الحال 

 
دايما راقبو الخروج ان كان اسهال امساك بتدورو عالسبب الي غالبا هوه الأكل 
ازا لاحظتو صار صعوبه بالتبول عميروح عالتراب وماعميعمل شي او عمينوي او نزل دم بتركدو فيه عالطبيب

مشاركة عن طريق
واتساب

0 komentar: