الاثنين، 20 ديسمبر 2021

كلمات اغنية بيت جدتي محمود العسيلي

غناء: محمود العسيلي
كلمات الاغنية: يمني العسيلي
توزيع الموسيقي: علي فتح الله
اخراج الاغنية: سارة رافع



فتحت عنيا لقيت ناس ولمة وبيت ويوم الجمعة مليان بعيلة بتملي المكان

حب كبير فرحة وخير واحساس بالامان بيت جدتي الجميل موجود هنا بقاله زمان بيت جدتي الكبير



كبار وصغيرين حبينه تاخدنا الدنيا ومش ناسينه واللي سابونا مش سايبينه طيفهم بينا مالي الاركان



من بدري الصبح وانا صغير وولادي اهم والله ما اتغير لعب وعيلة كانه عيد راحة ونور عمال بيزيد

في الدنيا دي لما جيت واخدوني وروحنا هناك عشت فيه كان ليا سبوع حلقات وبرجلات

شايف كل حياتي فيه حاجات جاية وذكريات واول مرة فيه صليت وهنا كتابي اتكتب بيت جدتي الكبير

كبار وصغيرين حبينه تاخدنا الدنيا ومش ناسينه واللي سابونا مش سايبينه طيفهم بينا مالي الاركان

من بدري الصبح وانا صغير وولادي اهم والله ما اتغير لعب وعيلة كانه عيد راحة ونور عمال بيزيد

صواني بالكحك مملية فطار العيد ريحة الطعمية والجمعة رز عليه ملوخية عادة لينا مهما نغيب

مهما مشيت فيه ليا مكاني مهما بعدت انا هارجع تاني سايب فيه قلبي وعنواني دايما ليا الباب مفتوح


الاستماع لاغنية بيت جدتي محمود العسيلي



مشاركة عن طريق
واتساب

0 komentar: