الاثنين، 20 ديسمبر 2021

كلمات اغنية فراق صالونات الجوكر

راجع نفسه وهو بيقفل الببيون كان مندمج لحد قبل فرحكوا بيوم

سال سؤال لو سالتيه عمرك ما تضيعي انا هنا لاني عايز ولا لان ده الطبيعي



خلص تعليمه وكون نفسه وشعره ابيض سنه اهله قالو يابني نفرح بيك خلاص كبرنا



واختاروكي عشان جميلة وبنت ناس ومتعلمة قعدة التانية اتشد ليكي وقام ملبس دبل

عمره ما حس لحظة واحدة انك بتكمليه الحكاية انك ناسبتي شكل حياة لازم يبنيه

كان بيطمن نفسه بان الحب بيتولد بالعشرة وان جوهر العلاقة توازن وان العشق قشرة

فاق وفكر في اللي جاي بمنطقية ملايين بمواصفاتها يبقي اشمعني هيا

لو خسرت ميزة هفضل راضي بيها لو شفت واحده احسن ليه متشدش ليها

انتي كمان من صغرك ماختارتيش حاجه بمزاجك سيبتيهم يخترعوكي بدل ما تسعي لاكتشافك

قالولك كليات القمة يا اما تبوظ حياتك وانتي ما شاء الله دخلتي طب باجتهادك

وبقيتي في ركن خلي عدد اختياراتك قليل الدكتورة تتجوز دكتور يا مهندس بالميت

وبقربك من التلاتين اتزنقتي في ركن جديد قطر الجواز هيفوتك وانتي لازم تلحقيه

جه وكان باين فيه معظم شروطك في البداية مع الوقت ظهرت العيوب وغطت المزايا

وفشلتي تغيريه فبداتي تحاولي تقبليه مفيش رجوع خلاص بقالكوا سنة اهو مخطوبين

من النقطه دي مكانش ولا هيكون بينكوا الا كبت كان لازم طرف منكوا يرجع مهما كان الوقت

واهو دلوقتي افضل من بعدين وانتوا لسه اتنين احسن ما تاخدوا طفل في الرجلين وبكره تقولي صدقت


الاستماع لاغنية فراق صالونات الجوكر




مشاركة عن طريق
واتساب

0 komentar: