الخميس، 30 ديسمبر 2021

كلمات اغنية خمسة وعشرين زاب ثروت

محبوس في دايره من الاوهام والياس بحاول اتحرر كل يوم مش عارف لا باس

يمكن لما الناس تتعرف علي احزاني تفهم تقدر تصرفاتي افعالي وجناني



لا بقي كفايه كفايه كفايه تبرير كفايه كفايه محاولات بائسه للتغيير

خلاص مش هسكت هتكلم بدعوكوا للسماع هختم كلامي في النهايه بكلمة الوداع

قررت اسيب حياتكم واسيبلكوا المسرحية افرحوا بالاضواء والتمثيل والنجومية

وهمية الدنيا اللي كلنا عايشين فيها عارفين والغريب بسنانكوا متبتين فيها

انا عارف ان انا مش اول واحد يتعرض لضغوط ولا هبقي اخر واحد ياخد حياته بايده يموت

مش كفايه طول اليوم نظراتكم ليا بتجوني في فكري قبل النوم وفي احلامياليوميه

اسالتكوا بتنهش عقلي زي الضباع بتحوم وازاي الوم في ضبع كنت بامره بالصوم

فلو سالتوا هرد باي كلام واضحك عليكوا بزعل لما تصدقوا الكذبه وتكذبوا عينيكوا

يمكن بتصدقوني علشان ده اسهل علي ضميركم بتسالوني مالك انتم كتير وغيركم

بس عمر ما حد فيكم اهتم يسمع الاجابة ولو فتحت قلبي ليكوا هتقولولي بلاش كآبة

فسيبوني اروح لعالم تاني اجمل من عالمكم اكون في وسط عالم اعلم بحالي منكم

الوداع للقوم الكاذبين المدعين لا تصطنعوا اهتمامكم كلكم مكشوفين

مش وحيد بس وحدي وسط المي ومحنتي نفسي ليكوا اقول واحكي تبقوا سندي وقوتي

مش وحيد بس وحدي وسط المي ومحنتي نفسي ليكوا اقول واحكي تبقوا سندي وقوتي

الوداع للقوم الكاذبين المدعين لا تصطنعوا اهتمامكم كلكم مكشوفين الكلام لمين لكل المستمعين

وعلي لسان مين مراهقين بكره يبقوا كبار قلوب صغيره بتعاني سرعة الاحتضار

ضغوط الاهل والمجتمع اثرت عليهم زرعت فيهم مشاكل ابدا ما كانت ليهم

من تهميش صوتهم ودورهم في مستقبلهم من اهلهم معاناتهم لو اختلفوا عن مجتمعهم في فكرهم

ازاي بتلوم في شاب انت السبب في تكوينه بتستنكر وجوده بتذل فيه وتهينه

افعالك في الاساس هيا اصلا سبب المرض لو مش عاجبك تربيته المفروض انت اللي تتحرج

هرج ومرج جوه عقل الشاب اللي اتدرج تحت تصنيف مكتئب عايش بيحلم بالفرج

الاكتئاب ده مرض مش حاله ولا موود واصل لربع شبابنا بالارقام والشهود

٢٥٪ من الشباب مكتئبين بيعانوا امراض نفسية وعن الحياة معزولين ٦٪ منهم بيفكروا في الانتحار

وارجع لكتاب اكتئاب المراهقين والاطفال فمتربوش ولادكوا ع الاوامر والتهزيق

متكسروش مقاديفهم بالكبت والتضييق العنف مش بس عنف مد اللسان والايد العنف كسر النفس وتحويلهم عبيد

فلو انت نفسك مش متصالح مع نفسك متجبش في الدنيا طفل في امراضك ينافسك

واعرف وافهم ان البنين زينه فتنه زي المال فاللي معهوش فلوس بقي بيكنز في العيال

اللي غرقوا في مشاكل منشاها البيوت انا مش جاحد لفضل اهلي ولا بدعوكو اللعقوق

انا بوصل حقيقه مجتمعنا مجتمع املي واملهم انه يسمعن

مش وحيد بس وحدي وسط المي ومحنتي نفسي ليكوا اقول واحكي تبقوا سندي وقوتي


الاستماع لاغنية خمسة وعشرين زاب ثروت




مشاركة عن طريق
واتساب

0 komentar: