صباح او مساء الخير حسب سماعك الاغنية عن كل شخص قابلته في المدينة وباعك
او المدينة نفسها وكل ركن فيها وزاوية لكل محطة مترو زحمة او في اخر الخط خاوية
لكل طفل راح مدرسته واتعلم بقا شاطر لكل شاب في جامعة لكل محضراته حاضر
ولاحلامهم اللي طارت رغم السهر والتعب لكل فرصة اتسرقت لكل حق اتنهب
لكل فرد وذكري كانوا جزء من المدينة اللي لسه بنحبها رغم انها ضحكت علينا
من بعيد اكيد جمالها راح يسحر عينيك مش لوحدك ياما غيرك داقوا سحرها قبليك
اللي شاف في دروبها حلم وقال في يوم يقدر يطول واللي عاش العمر كله في وصفها يقول
نام في احلامه الجميلة راح يفوق علي زيف وغش اللي ساب الريف في بلده في المدينة هيبني عش
المدينة بالف وش بتضحك بس في البراويز ياما هديت من الرجال ياما ذلت مية عزيز
مش بعيد اكون وحيد في وصفي وكلامي عنك ياما غنولك اغاني وياما شهدولك لكنك
مش جميلة رغم زهرك او جمالك مش حقيقي مش عميقة رغم سنك لو قارنت سني بيكي
او يمكن انا مش لاقكي وسط الزحمة والمساكن او يمكن انا مش هاويكي مع اني فيكي ساكن
بكفاياكم غش فينا اظهروا حقيقة المدينة بكفاياكم غش فينا اظهروا حقيقة المدينة بكفاياكم غش فينا اظهروا حقيقة المدينة
مسجون في قلب احلام الناس البسيطة الطيبين اللي ايامهم تعيسة اللي احزانهم سنين
والغريبة مصدقين ان بكرة مسيره جي ان شمسك في يوم هتشرق راح تنور كل حي
بس اي حي فيهم راح تزور الشمس ارضه والي في كل متر عيله ولا الاتنين اللي بعده
انزل لف في الشوارع صور الحقيقة بعينيك بالحقيقة مش قصدي صورة لشيخ عجوز صعبان عليك
يطبعوا صورته في مجلة يكتبوا مقال طويل ويقولوا فيه تعب الحقيقة انه ساكت قالوا دي دموع الفرح والرضا والانبساط
والحقيقة ابتسامته بتشعر من جوة سكات مش كفايا علينا كدب كفاية تاليف قصص زي صور العيال اللي هربت من الحصص
مش عشان يلعب يزوغ لا هيروح الشغل بدري اللي نجار واللي يجري يوصل للبيوت حاجات
والليكفران بالساعات وبيسالو هو ليه الطفل جوة هو ليه الطفل مات او امل
اللي كانت بنت حلوة صغيرة نفسها تكبر تكون انسانة متقدرة بس الناس شيفاها لحمة شايفة وسط وجوز عينين
اللي سليط اللسان واللي كلامه بالايدين بيسالو مين السبب السبب في الكدابين
بكفاياكم غش فينا اظهروا حقيقة المدينة بكفاياكم غش فينا اظهروا حقيقة المدينة بكفاياكم غش فينا اظهروا حقيقة المدينة
بكفياكم غش فينا اظهروا حقيقة المدينة اللي عمر علي احلام ولادها ما كانت امينة
قالو من الحب اللي يقتل لما يتوب قلبي وعقلي وانتي قتلتني بسهولة زي ما قتلتي اللي قبلي
الاستماع لاغنية المدينة زاب ثروت