شعر عراقي رائع عن الحب والعشق



موعد حب
هو / اشلونچ يا اعز الناس عندي  هو الگلب چم احبيبه عنده  هي / هزني الشوگ عالموعد اتانيك  واعد بيدي الدقايق وحده وحده  وحده  اثنين  هاي الثالثة تروح  اتاني وصار هالموعد اشبعده نمت حسبالي اشوفك بالحلم جاي  وگلت دمعاتي احطهن وسط خده هو / نمتي  هنيالچ غفيتي  وآنة ليلي يمر على عيوني صبح الينيَم وردة ويمسد عليها مو مثل ليلولي وينيم جرح  !! والغفه ابكلمة محنه  مو مثل الينام وبعينه ملح !! هي / لا حبيبي  آنه هذا الليل من يمرني دمعة وحزن واشواگ  وحنين آنه عيني عليك ما بطل دمعها  تبچي ما تسكت العين  هو / لا  لا تبچين  امسحي دمعتچ وارجوچ لا تبچين  يل دمعچ جمر وخدودچ احلى اورود  خايف على اخدودچ من دموع العين  لا تبچين  وردة وتحترك ما تحمل النيران  يذبل كل ورگها وتستحي من الطين  هي / وانت تگلي لا تبچين  مو عمري انتهى  وايامي كلها اتروح  لو راح العمر متگلي اجيبه امنين ؟ هو / لا تبچين  المن بعد المن تسوه دمعه اتطيح  هو اشباقي بينا ونحترگ كل حين  تعبنا القهر ممشى جزيرة وخوف  صار الماضي غلطه وچنه غلطانين !! لا تبچين لو يسوه العمر يمكن بچينا اسنين  هي / اشلون اتگلي لاتبچين  هو / لا تبچين !! هي / تدري انت اليحب ما يگدر اعله النار  ويا نار اللي بيَه اتفزز الميتين  احتاج الدمع من ما اشوفك يوم  لان يصبح عليَ اليوم خمس سنين !! حبيبي لخاطري  لا تبتعد ارجوك ما احمل فراگك  تدري كلش زين  هو / بس ارجوچ لاتبچين  خوفي آنه عليچ من الدمع والله  مرات الدمع ياخذ حلاة العين  ويل كلچ ترافه ارجوچ لا تبچين برِد تموز حبك من يمر صيف وحر تشرين يانار اشتياقي راقي ما شفت بس انته والله والغيرك چِذب من گال راقي وكافر بالعشگ ماعندي الايمان بس بعدك نعم صار اعتناقي واحساسي نبي من راد يهواك كسر كل هبل قبل التلاقي! يا شعري وقضيتي والمكاتيب ياسهر الليالي واحتراقي الك كل العمر ومقصِر وياك يا بيتي و محلتي وكل زقاقي وعليك العين تعمه لو غبت يوم ويحالي شلون لو طال الفراقي لا تبعد علي ياسلوة الروح وعهدي اوياك اسمعه واتفاقي على هذه الگلب كثره اليمرون وعيونك فقط بس انته باقي وصحيح انته حلو وهواي عشاگ لكن يختلف عشگ العراقي صدگ يختلف عشگ العراقي








كما قال الشاعر عبدالحسين الجلفي
احبك مو لان انت حلو لا لان روحي التقت كبلي ولك بيك اذا انت تمُر ع الاعمى يصيح الله والاخرس لَون حاچيته يحاچيك اذب كلبي على سهمك وآنه مجروح واكلك دير بالك اخاف ااذيك اجرَحني ولك بس كون عالكيف لان انت ويَه دمي وخاف ابديِك اجرحني ولك بس كون ما موت حتى مِن يتهمونك ابريك على المراية وكفت ما شفت وجهي وشفت وجهك طلعلي وكمت احاچيك وثبت بمرايتي وجهك مرايات واباوع وجهها مرايتي بيك بكذلتك شِد ركبتي وطلع الروح اريدنها بعد تتكرب عليك انت بحضني واكول بعيد اريدن هيچ كون آنه انخبط بيك بيا شارع مشيت كبالي الاكيك افوت بغير شارع هم الاكيك ارد للبيت كبلي الكاك بالباب اطب كبلي تطب وتكلي اتانيك بغيرك فكرت كلت آنه انساك طلع غيرك يشبهك وفكرِت بيك طلع غيرك يشبهك وفكرِت بيك







محتاجة كلش الك – شهد الشمري
محتاجة كلش الك يلي شاغل انت الفكر محتاجة الك مو حجي وارتاح من ينذكر هنياله من كابلك يا احلى صورة شعر محتاجة الك ما تجي ما باقي شي بالعمر زعلان؟ ليش الزعل زعلان آنه اعتذر بس ارجع لخاطري صير على نحري







ردلي حبيب ارجوك وارحم حوالي ما شـكي على مخلوق للـه سوالي يال ما دريـت اشــصار وقـف واقـلك حـال اليـتـيـم تهـون عـن حـال خـلك خـاف اللـه يالمريت ما كـلـمـتـنـي لـيـتك حكيت اوياي لو شـتـمـتـنـي قـلـبـي عـلـيـك يـنـوح مانام لـيـلـه مسالتي انا وياك صارت طـويـلـه جيتك بقايا انسان ايدي على خدي قـلـبـك صخـر مالان يالعـفت ودي ترجع تـرد الـروح ياكامل الـزيـن انا ارد امـوت اليوم وتقلي بعدين يوم انا اخـس من يوم لـو كان تدري هذي ثلاث اشــهور منته عـلخـبـري بعد وجفى وهموم يوم اردى من يوم وعـيني عـلى فـراقـك ماذاقـت النوم لا يا وليف الـروح لا تنســـــى ودي مالي غرض بالناس بس انته عندي الما يـنـام اللـيـل عـلـه عـلى عـله العـيشـه عـقـب اهواي عيشة مذله اشكي ســهير الليل من فرقا خلي ارفــع يديني فــوق للــه واصـلـي اسهـر واهـل ادمـوع والـدرب ادله والمايريده اهواه عـله عـلى عـله يـا خـلـي لا مـريـت ســلـم عـلــيـه كـل الـسـبـب ذولاك انا اش بـيـديه يـاخلي لـو صـديـت قـلـبي يريـدك مـوت وحـيات الـروح ياخلي بيدك ياسمر فراقك ليش روحي جرحها صابر ودمع العين غصبن فضحها يالفارقتني الروح بعــدك جريحه بعـــدك طريح افراش كني ذبيحــه
تعليقات
ليست هناك تعليقات
إرسال تعليق