الخميس، 1 أغسطس 2019

ابيات شعر غزل عراقي رائع وجميل

الشاعر محمد رحيمة الطائي: هو / اشلونچ يا اعز الناس عندي  هو الگلب چم احبيبه عنده  هي / هزني الشوگ عالموعد اتانيك  واعد بيدي الدقايق وحده وحده  وحده  اثنين  هاي الثالثة تروح  اتاني وصار هالموعد اشبعده نمت حسبالي اشوفك بالحلم جاي  وگلت دمعاتي احطهن وسط خده هو / نمتي  هنيالچ غفيتي  وآنة ليلي يمر على عيوني صبح الينيَم وردة ويمسد عليها مو مثل ليلولي وينيم جرح  !! والغفه ابكلمة محنه  مو مثل الينام وبعينه ملح !! هي / لا حبيبي  آنه هذا الليل من يمرني دمعة وحزن واشواگ  وحنين آنه عيني عليك ما بطل دمعها  تبچي ما تسكت العين  هو / لا  لا تبچين  امسحي دمعتچ وارجوچ لا تبچين  يل دمعچ جمر وخدودچ احلى اورود  خايف على اخدودچ من دموع العين  لا تبچين  وردة وتحترك ما تحمل النيران  يذبل كل ورگها وتستحي من الطين  هي / وانت تگلي لا تبچين ؟ مو عمري انتهى  وايامي كلها اتروح  لو راح العمر متگلي اجيبه امنين ؟ هو / لا تبچين  المن بعد المن تسوه دمعه اتطيح  هو اشباقي بينا ونحترك كل حين




الشاعر عبد الحسين الحلفي: احبك مو لان انت حلولا لان روحي التقت گبلي ولك بيك اذا انت تمُر عا الاعمى يصيح الله والاخرس لـَون حاچيتة يحاچيك اذب گلبي اعلى سهمك وآنه مجروح واگلك دير بالك اخاف ااذيك اجرَحني ولك بس كون عالكيف لان انت ويَـه دمي وخاف ابديـِك اجرحني ولـك بس كون ماموت حتى مـِن يتهموَنك ابريك على المراية وگفـت ما شفت وجهي وشفت وجهك طلعلي وگمت احاچيك وثبت بمرايتي وجهـك مرايات واباوع وجهها مرايتي بيك بگذلتك شِد رگبتي وطلع الروح اريدنها بعد تتگرب اعليك انت بحضني واگول بعيد اريدن هيچ كون آنه انخبط بيك بيا شارع مشيت گبالي الاگيك افوت بغير شارع هم الاگيك ارد للبيت گبلي الگاك بالباب اطب گبلي تطب وتگلي اتانيك بغيرك فكرت كلت آنه انساك طلع غيرك يشبهك وفكرِت بيك طلع غيرك يشبهك وفكرِت بيك





الشاعر سعد محمد الحسن: عبنا القهر ممشى جزيرة وخوف  صار الماضي غلطه وچنه غلطانين !! لا تبچين لو يسوه العمر يمكن بچينا اسنين  هي / اشلون اتگلي لاتبچين  هو / لا تبچين !! هي / تدري انت اليحب ما يگدر اعله النار  ويا نار اللي بيَه اتفزز الميتين  احتاج الدمع من ما اشوفك يوم  لان يصبح عليَ اليوم خمس سنين !! حبيبي لخاطري  لا تبتعد ارجوك ما احمل فراگك  تدري كلش زين  هو / بس ارجوچ لاتبچين  خوفي آنه عليچ من الدمع والله  مرات الدمع ياخذ حلاة العين  ويل كلچ ترافه ارجوچ لا تبچين





الشاعر ايمن الكردي: ما مقسوم احبك وابتدي وياك بس مكتوب دوم بحبك نعاني ما اكلك انساني بس اكلك روح وياك الوكت محتار خلاني اعتب عالزمان الما جمعني وياك  وبدرب السراب شلون مشاني بعد كل البنيتة وبية ما ضل حيل اجة بلحظة الزمان وهدم بنياني وبعد جرح الامس وك يا زمن ما طاب وصدك كالو تشافيني بجرح ثاني لا صاحب تركتة ولا حبيب وياي وعلى صفحة حزن خطيت عنواني وعموما ياحبيبي واغلى ما حبيت انت اول محب استحل وجداني الف مبروك اكلك من كلب ولسان مو كلمة واجتني بطارف لس بالعكـس لا والله عادي وخاف هنتك انـي اسف بصـراحه صعب حبنـا حتـى ما ينراد سـوالف سنين عـايش انـي احبك عيشـت روحي بحلم





شعر غزل من التراث العراقي: جنـت احبك واديري غلطه وهسه احبك للعلم يعنـي كل عقلك نسيتـك مـا نسيت لا وربي تـدري انته هـل فتـره انته صاير هجـي الشارع بوسط كلبي بالحلم يوميه اشوفك ربي الك بيها اراده فـدوه خلينا انشوفك مباشـر والله مليت الاعاده



0 komentar: