ناس بتقول ان المكملات ملهاش لزمة
واخرين بيقولوا ان المنشطات افضل
واخرين بيقولوا ليه تاخد مكمل او منشط اصلاً ما تاكل اكل طبيعي.
اولاً الأكل الطبيعي/
في الأول لازم نتفق ان الأكل الطبيعي لا غنى عنه ولا خلاف عليه
سواء هتاخد مكملات بس او منشطات او الأتنين مع بعض فلازم لازم تاكل كويس
وتفهم ايه هي التغذيه السليمة.
ثانياً المكملات الغذائية/
فكرة المكملات الغذائية زي ما هو واضح من اسمها مكمل غذائي .. يعني بيكمل نقص التغذية اللي عندك
واي نعم ليها فوائد كثيرة زي انها اسرع في الهضم واسرع وصولاً للجسم وفوائدها مركزه وده بخلاف الأكل.
يعني ايه فوائدها مركزه ويعني ايه بخلاف الأكل ؟
الأكل انت ممكن تاكل قطعة فراخ بيكون فيها دهون على بروتين على كارب على على
المكمل الغذائي مصنف انك ممكن تاخد سكوب واحد منه يحتوي على بروتين صافي ولا يحتوي على دهون وهكذا
وكون ان المكمل بيوصل للجسم اسرع ده هيخليك تشوف نتيجة اسرع
يعني بالبلدي اللي ممكن واحد يعمله بلأكل بس في مدة سنة
انت ممكن تعمله في 6 شهور مع الأكل والمكملات الغذائية.
نتائج المكملات الغذائية باقية بقاء نتائج الأكل:
يعني العضلات اللي انت عملتها خلال فترة استخدامك للمكملات الغذائية مش هتروح هباء
ثالثاً المنشطات/
طيب نتكلم عن المنشطات
المنشطات افضل استخدام ليها وهو في رأيي لابد ان يكون الأستخدم الأوحد ليها هي البطولات
يعني لو انت بتدخل بطولات .. وبردوا مش هجاملك واقولك ان المنشطات ملهاش اضرار لأ ليها اضرار.
كورس المنشطات لازم بردوا تكون بتاكل معاه كويس يأما مش هتشوف نتيجة.
اللي ممكن واحد يعمله بلأكل بس في مدة سنتين او تلاته
ممكن المنشطات تعمله في 6 شهور مع الأكل.
بس في نقطة مهمة وهي ما يغفل عنها كثير للأسف من مرتادي الصالات
وهي ان نتائج المنشطات غير باقيه كا نتائج الأكل او المكملات:
يعني انت خلال فترة كورس المنشطات بتاعك هتلاقي نفسك بترفع اوزان عالية غير العادة
في اخر الكورس هتلاقي حجمك العضلي زاد ونتيجة اشبه بالسحر
بس زي ما قلت انك بمجرد انتهاء الكورس ومرور فترة شهر او اتنين وممكن اقل هتلاقي جسمك نزل تاني الوزن اللي اكتسبه
واوزانك رجعت قلت تاني.
واللي انت صرفته في فلوس المنشطات كنت ممكن تستفيد منه بشراء مكملات او اكل والنتيجة اي نعم هتتأخر بس هتدوم معاك ان شاء الله.
لذلك في البداية قلت ان المنشطات بتكون لفترة البطولات فقط
لأنه بيحضر للبطولة وبيدخل بالفورمة بتاعته وبكده تكون خلصت الفترة اللي هو محتاج فيها الفورمة دي.
يأما لو عايز يحافظ طول السنه على الفورمة اللي عملها من المنشطات مش هيبقى قدامه غير انه يخلص كورس ويريح شويه ويرجع يدخل في كورس تاني وهكذا وده اسوء شيء ممكن يحصل.